თავის კანის ცხიმოვანი ჯირკვლების არასაკმარისი მუშაობისას, ვერ გამომუშავდება საჭირო რაოდენობის კანის ცხიმი და თმა ხდება მშრალი.მშრალი თმა წვრილია, მტვრევადი და ადვილად წყდება.

თმის და თავის კანის სიმშრალე შეიძლება გამოწვეული იყოს ზოგიერთი ვიტამინის ( განსაკუთრებით ვიტ. A ) დეფიციტით ორგანიზმში, ნერვული და ენდოკრინული სისტემის პათოლოგიებით.

წარმოუდგენელია თანამედროვე ქალი, რომელიც არ სარგებლობს სალონის პროცედურებით – თმის შეღებვა, თმის დახვევა, თმის დაგრძელება და სხვა. ნებისმიერმა კომპეტენტურმა ტრიქოლოგმა უნდა იცოდეს, როგორ მოქმედებს ეს პროცედურები თმის ჯანმრთელობაზე, რადგან პაციენტი ტრიქოლოგისგან მოითხოვს არამარტო თმის ცვენის, ქერტლის, სებორეის პრობლემის მოგვარებას, არამედ კომპეტენტურ რეკომენდაციებს თმის მოვლის საშუალებებზე.

ჰიპერტრიქოზი (ჭარბთმიანობა) არის დაავადება, რომლისთვისაც დამახასიათებელია თმის ჭარბი ზრდა სხეულის იმ ადგილას, სადაც ის არის ნორმაში ასაკის, სქესის და ეთნიკური წარმოშობის გათვალისწინებით.

განასხვავებენ ჰიპერტრიქოზის თანდაყოლილ და შეძენილ ფორმებს. 

გავრცელების მიხედვით – ლოკალურ (ადგილობრივ) და გენერალიზირებულ (მთელ სხეულზე) ფორმებს.

თანდაყოლილი ჰიპერტრიქოზი მიგვანიშნებს რომელიმე გენეტიკური დაავადების არსებობას. 

შეძენილი ჰიპერტრიქოზის მიზეზებია:

– საკვერცხეების, თირკმელზედა ჯირკვლის, ჰიპოფიზის ფუნქციის დარღვევა;

– ფარისებრი ჯირკვლის პათოლოგია (ბაზედოვის დაავადება);